Maraqlısı odur ki, ilanbalığı ildə bir dəfə nəsil verir. Adətən dənizdə yaşayan ilanbalığı kürüləmək üçün qışda Kür və digər çaylara keçir. Mütəxəssislərin dediyinə görə, kürüləmək üçün qışda çaya girən ilanbalığı çox yağlı olur. İlanbalığının əti və yağı isə bir çox- göz, yel, mədə-bağırsaq və digər xəstəliklərin dərmanıdır. Amma son illər dənizin çirklənməsi ilə ekoloji tarazlığın pozulması nəticəsində bu qiymətli balığın nəsli kəsilmək üzrədir. Elə bu üzdən də bazarlarda ilanbalığına az-az rast gəlmək olur. Mütəxəssislər isə, ilanbalığının süni yolla artırılması biotexnikasını işləyib hazırlamaq və körpələri süni yolla yetişdirib çaylara buraxmaq təklifini irəli sürürlər. Onların fikrincə, əgər vaxtında lazımi tədbirlər görülməzsə, bir neçə ildən sonra adı Qırmızı kitaba düşən ilanbalığının nəsli tamamilə kəsilə bilər.
Yorum Gönder